Mae materion byd-eang yn golygu materion sy’n peri pryder i’r cyhoedd ledled y byd. Gallai’r rhain gynnwys materion cymdeithasol, materion amgylcheddol a materion economaidd. Mewn sawl ffordd, mae materion byd-eang yn cyd-fynd â’i gilydd, a gall dysgu mwy amdanyn nhw a sut i lunio’r dyfodol deimlo’n rymusol iawn.
Mae rhwymedigaethau rhyngwladol yn gyffredin mewn cytundebau rhwng gwladwriaethau neu sefydliadau rhyngwladol. Mae Cymru yn ymateb i ddyletswyddau ac ymrwymiadau’r DU ar faterion rhyngwladol. Ers datganoli, rhaid i weinidogion Cymru gydymffurfio â rhwymedigaethau rhyngwladol.
Mae’r amgylchedd byd-eang yn gymhleth, ac mae adrannau o’r llywodraeth yn ogystal â sefydliadau newyddion annibynnol ar gael i’ch helpu i lunio eich barn a chanfod beth yr hoffech chi gael gwybod mwy amdano.
Mae Poppy yn eiriolwr cryf dros gydraddoldeb, cyfiawnder cymdeithasol a hawliau dynol. Mae hi’n ymgyrchydd angerddol dros y newid yn yr hinsawdd ac mae hi’n ystyried ei hun yn rhyngwladolwr, gan gredu y dylai gwledydd weithio gyda’i gilydd.
