Mae’r argyfwng costau byw yn effeithio ar lawer o bobl ifanc. Mae dysgu sut i reoli eu harian a deall yr economi yn galluogi unigolion ifanc i lunio eu dyfodol ariannol. Drwy gymryd rhan mewn trafodaethau economaidd, gallan nhw gyfrannu at bolisïau cynhwysol, twf cynaliadwy, a lleihau anghydraddoldebau.
Mae Llywodraeth Cymru yn cynnig y gyllideb ar gyfer pob maes y mae’n gyfrifol amdano, yn ogystal â phennu’r cyfraddau ar gyfer trethi datganoledig, sydd yn ei dro yn effeithio ar benderfyniadau polisi cyhoeddus yng Nghymru. Senedd y DU sy’n gyfrifol am bolisi economaidd ehangach y DU. Mae awdurdodau lleol yn gyfrifol am sicrhau economi leol ffyniannus, gan ystyried yr amgylchedd polisi datganoledig ac amgylchedd polisi y DU yn ehangach. Mae Pwyllgor Masnach a Materion Gwledig y Senedd yn dwyn Llywodraeth Cymru i gyfrif mewn meysydd penodol gan gynnwys busnes, datblygu economaidd, masnach ryngwladol a sgiliau.
Mae’r economi a chyllid yn effeithio ar sawl agwedd ar ein bywydau bob dydd, felly mae’n bwysig edrych ar y penderfyniadau mae llywodraethau’n eu gwneud ar ein rhan a sut mae’r materion hyn yn effeithio arnoch chi wrth i chi dyfu’n oedolyn. Siaradwch am gyfrifoldebau ariannol ac addysgu eich hun drwy ddysgu mwy am gyllid personol, economeg genedlaethol a rhyngwladol, a gwneud dewisiadau ar sail yr hyn sydd orau ar gyfer eich dyfodol.
Yr Aelod cyntaf o Senedd Ieuenctid Cymru dros Race Council Cymru. Mae Angel wedi gwneud cyfraniadau effeithiol yn galw ar i hanesion pobl ddu a phobl o liw fod yn rhan o gwricwlwm ysgolion Cymru.
Yr effaith fwyaf a gafodd Marcus oedd dylanwadu ar Lywodraeth y DU i ymestyn prydau ysgol am ddim i blant. Fe wnaeth hefyd godi proffil y mater yn y cyfryngau ac ymysg y cyhoedd gan arwain at sgwrs genedlaethol am dlodi bwyd.
Mae Poppy yn eiriolwr cryf dros gydraddoldeb, cyfiawnder cymdeithasol a hawliau dynol. Mae hi’n ymgyrchydd angerddol dros y newid yn yr hinsawdd ac mae hi’n ystyried ei hun yn rhyngwladolwr, gan gredu y dylai gwledydd weithio gyda’i gilydd.
Mae protestiadau heddychlon Greta wedi ysbrydoli mudiad ieuenctid byd-eang, wedi perswadio gwleidyddion i ymgysylltu â materion newid yn yr hinsawdd, ac wedi gwella ymwybyddiaeth y cyhoedd. Mae ei heffaith wedi cael ei galw’n ‘Effaith Greta.’
