Mae deall hil a hiliaeth ac ymgyrchu dros gydraddoldeb hiliol yn meithrin cymdeithas gyfiawn. Gall pobl ifanc frwydro yn erbyn anghydraddoldebau systemig a hyrwyddo cyfleoedd cyfartal, gan ddysgu sut i herio gwahaniaethu a gweithio tuag at chwalu rhwystrau strwythurol sy’n effeithio ar fywydau pobl o liw.
Mae’r Senedd wedi ymrwymo i fynd i’r afael ag anghydraddoldebau strwythurol ac ethnig yng Nghymru. Nod y Cynllun Gweithredu Cydraddoldeb Hiliol yw gwneud newidiadau ystyrlon a mesuradwy i fywydau pobl Ddu, Asiaidd a Lleiafrifoedd Ethnig drwy fynd i’r afael â hiliaeth a sicrhau Cymru sy’n wrth-hiliol erbyn 2030.
Gallwch chi hyrwyddo cydraddoldeb hiliol yn eich cymuned drwy fod yn wrth-hiliol, a bod yn eiriolwr dros amrywiaeth. Mae hyrwyddo cynhwysiant hiliol a chymryd safiad cadarn yn erbyn hiliaeth yn allweddol i sbarduno newid a sicrhau cydraddoldeb hiliol yng Nghymru, a’r tu hwnt.
Yr Aelod cyntaf o Senedd Ieuenctid Cymru dros Race Council Cymru. Mae Angel wedi gwneud cyfraniadau effeithiol yn galw ar i hanesion pobl ddu a phobl o liw fod yn rhan o gwricwlwm ysgolion Cymru.
Yr effaith fwyaf a gafodd Marcus oedd dylanwadu ar Lywodraeth y DU i ymestyn prydau ysgol am ddim i blant. Fe wnaeth hefyd godi proffil y mater yn y cyfryngau ac ymysg y cyhoedd gan arwain at sgwrs genedlaethol am dlodi bwyd.
Mae Poppy yn eiriolwr cryf dros gydraddoldeb, cyfiawnder cymdeithasol a hawliau dynol. Mae hi’n ymgyrchydd angerddol dros y newid yn yr hinsawdd ac mae hi’n ystyried ei hun yn rhyngwladolwr, gan gredu y dylai gwledydd weithio gyda’i gilydd.
Mae protestiadau heddychlon Greta wedi ysbrydoli mudiad ieuenctid byd-eang, wedi perswadio gwleidyddion i ymgysylltu â materion newid yn yr hinsawdd, ac wedi gwella ymwybyddiaeth y cyhoedd. Mae ei heffaith wedi cael ei galw’n ‘Effaith Greta.’
