Dyma gyfle i chi newid pethau
Camau bach i arwain at newidiadau mawr. Gallwch chi ysbrydoli pobl eraill i weithredu a chodi ymwybyddiaeth o faterion pwysig.
Mae addysg yn un o gonglfeini profiadau plant a phobl ifanc. Dylai pobl ifanc deimlo eu bod yn cael yr holl wybodaeth sydd ei hangen i wneud penderfyniadau ar sail pa ddewisiadau addysg a chyllid sydd ar gael iddyn nhw. Gall pobl ifanc hefyd gyfrannu at lunio dyfodol addysg drwy rannu adborth am eu profiadau.
Mae deall hil a hiliaeth ac ymgyrchu dros gydraddoldeb hiliol yn meithrin cymdeithas gyfiawn. Gall pobl ifanc frwydro yn erbyn anghydraddoldebau systemig a hyrwyddo cyfleoedd cyfartal, gan ddysgu sut i herio gwahaniaethu a gweithio tuag at chwalu rhwystrau strwythurol sy’n effeithio ar fywydau pobl o liw.
Mae cefnogi hawliau pobl LHDTCRh+ yn sicrhau cynhwysiant a derbyniad. Gall pobl ifanc eirioli dros gydraddoldeb, herio gwahaniaethu, a chreu amgylcheddau lle gall pawb fyw’n ddilys heb ofn, waeth beth fo’u cyfeiriadedd rhywiol neu eu hunaniaeth o ran rhywedd.
Mae ymgyrchu dros gydraddoldeb rhwng y rhywiau yn grymuso pobl ifanc i greu byd teg a chyfartal. Drwy herio stereoteipiau ac eirioli dros gydraddoldeb rhwng y rhywiau, gallan nhw gyfrannu at gymdeithas lle mae pawb yn cael cyfle cyfartal.
Mae bod yn ymwybodol o faterion cyfiawnder cymdeithasol fel dosbarthu cyfoeth, breintiau a chyfleoedd yn deg yn rhan allweddol o greu cymdeithas deg a thrugarog. Drwy ymgyrchu dros bolisïau economaidd teg a chefnogi rhaglenni lliniaru tlodi, gall pobl ifanc gyfrannu at greu cymdeithas decach.
Mae cyfranogiad gwleidyddol ystyrlon yn grymuso pobl ifanc i lunio dyfodol eu cenedl a deall pa benderfyniadau gwleidyddol sy’n cael eu gwneud ar eu rhan. Drwy gymryd rhan, gallan nhw sicrhau bod eu lleisiau’n cael eu clywed, gan gyfrannu at gymdeithas ddemocrataidd ac atebol.
Mae’r argyfwng costau byw yn effeithio ar lawer o bobl ifanc. Mae dysgu sut i reoli eu harian a deall yr economi yn galluogi unigolion ifanc i lunio eu dyfodol ariannol. Drwy gymryd rhan mewn trafodaethau economaidd, gallan nhw gyfrannu at bolisïau cynhwysol, twf cynaliadwy, a lleihau anghydraddoldebau.
Eithafiaeth yw ymlyniad ffyrnig at ideolegau neu gredoau, a nodweddir yn aml gan safiad digyfaddawd a radical. Mae'n dod i'r amlwg mewn meysydd amrywiol, gan gynnwys meysydd gwleidyddol, crefyddol neu gymdeithasol, lle mae unigolion neu grwpiau'n arddel safbwyntiau eithafol, yn aml ar draul goddefgarwch, trafodaeth resymegol, a chydfodolaeth heddychlon.
Mae pobl ifanc yn wynebu heriau iechyd a phroblemau o ran cael gafael ar ofal iechyd. Mae iselder, gorbryder ac anhwylderau iechyd meddwl eraill ymhlith y prif bethau sy’n achosi salwch ac anableddau i bobl ifanc. Gall pobl ifanc ymgyrchu dros faterion iechyd ac iechyd meddwl er mwyn i bawb gael y gefnogaeth sydd ei hangen arnyn nhw.
Mae materion byd-eang yn golygu materion sy’n peri pryder i’r cyhoedd ledled y byd. Gallai’r rhain gynnwys materion cymdeithasol, materion amgylcheddol a materion economaidd. Mewn sawl ffordd, mae materion byd-eang yn cyd-fynd â’i gilydd, a gall dysgu mwy amdanyn nhw a sut i lunio’r dyfodol deimlo’n rymusol iawn.
Drwy ganolbwyntio ar ffeithiau mudo, gall pobl ifanc ddeall cymhlethdod cynnig amddiffyniad a’r hyn y gallan nhw ei wneud i wella bywydau ffoaduriaid a phobl eraill.
Mae ymwybyddiaeth amgylcheddol ymhlith pobl ifanc yn hanfodol er mwyn gwarchod y Ddaear. Drwy eirioli dros arferion a pholisïau cynaliadwy, gall pobl ifanc gyfrannu at blaned iachach ar gyfer cenedlaethau’r presennol a’r dyfodol. Drwy weithredu, gall pobl ifanc gyfrannu at atebion cynaliadwy, eirioli dros ynni adnewyddadwy, a gwthio am bolisïau sy’n lliniaru dirywiad amgylcheddol.
Yr Aelod cyntaf o Senedd Ieuenctid Cymru dros Race Council Cymru. Mae Angel wedi gwneud cyfraniadau effeithiol yn galw ar i hanesion pobl ddu a phobl o liw fod yn rhan o gwricwlwm ysgolion Cymru.
Mae angen i ni gael gwybodaeth yn uniongyrchol yn hytrach na’n bod ni’n cael ein taflu o’r neilltu neu ei fod yn cael ei hidlo.
Yr effaith fwyaf a gafodd Marcus oedd dylanwadu ar Lywodraeth y DU i ymestyn prydau ysgol am ddim i blant. Fe wnaeth hefyd godi proffil y mater yn y cyfryngau ac ymysg y cyhoedd gan arwain at sgwrs genedlaethol am dlodi bwyd.
Byddwch yn uchelgeisiol a gweithio’n galetach nag unrhyw un arall i’w gyflawni.
Mae Poppy yn eiriolwr cryf dros gydraddoldeb, cyfiawnder cymdeithasol a hawliau dynol. Mae hi’n ymgyrchydd angerddol dros y newid yn yr hinsawdd ac mae hi’n ystyried ei hun yn rhyngwladolwr, gan gredu y dylai gwledydd weithio gyda’i gilydd.
Fy mam a fy nain sy’n bennaf gyfrifol am fy ngwaith ymgyrchu, ac am fy addysgu am y menywod wnaeth baratoi’r ffordd. Rydw i eisiau parhau i wthio eu hetifeddiaeth.
Mae protestiadau heddychlon Greta wedi ysbrydoli mudiad ieuenctid byd-eang, wedi perswadio gwleidyddion i ymgysylltu â materion newid yn yr hinsawdd, ac wedi gwella ymwybyddiaeth y cyhoedd. Mae ei heffaith wedi cael ei galw’n ‘Effaith Greta.’
Pan mai’r unig beth y gall pobl ei wneud yw eich gwawdio, mae’n golygu nad oes ganddyn nhw unrhyw ddadl neu nad oes ganddyn nhw ddim byd arall i’w ddweud.
