Cofrestrwch i bleidleisio

Pleidleisio yw’r weithred o ddewis rhywbeth neu rywun mewn etholiad wedi’i drefnu. Gallwch chi gofrestru i bleidleisio yn 14 oed yng Nghymru a'r Alban (ac yn 16 oed yng ngweddill y DU) sy'n golygu y byddwch chi’n barod i gymryd rhan mewn etholiadau lleol a chyffredinol.

Mae pleidleisio yn hawl a chyfrifoldeb sylfaenol mewn cymdeithas ddemocrataidd. Mae cofrestru i bleidleisio a chymryd rhan mewn etholiadau yn galluogi unigolion i arfer eu hawliau democrataidd drwy fod a llais yn y broses o ddewis cynrychiolwyr a chyfeiriad polisïau’r llywodraeth. Drwy fwrw pleidlais, mae pobl yn cyfrannu at y broses ddemocrataidd ac yn helpu i lunio canlyniad etholiadau, gan sicrhau bod penderfyniadau’r llywodraeth yn adlewyrchu ewyllys y bobl.

Mae pleidleisio’n gadael i bobl ddewis cynrychiolwyr a fydd yn eirioli dros eu buddiannau a’u pryderon yn y llywodraeth. Mae swyddogion etholedig yn atebol i’r etholwyr, ac mae pleidleisio’n darparu mecanwaith ar gyfer eu dwyn i gyfrif am eu gweithredoedd a’u penderfyniadau. Drwy gymryd rhan mewn etholiadau, mae pleidleiswyr yn cael y cyfle i ddylanwadu ar gyfansoddiad y llywodraeth a sicrhau bod cynrychiolwyr etholedig yn ymateb i anghenion a blaenoriaethau’r boblogaeth.

Mae pleidleisio’n hanfodol ar gyfer hyrwyddo cyfiawnder cymdeithasol a chydraddoldeb drwy sicrhau bod pob dinesydd yn cael llais a chynrychiolaeth gyfartal yn y broses wleidyddol. Mae cofrestru i bleidleisio a chymryd rhan mewn etholiadau yn grymuso cymunedau ar y cyrion a chymunedau sy’n cael eu tangynrychioli i eirioli dros eu hawliau, herio anghydraddoldebau systemig, a gweithio tuag at fwy o gyfiawnder cymdeithasol ac economaidd. Drwy arfer eu hawl i bleidleisio, gall unigolion gyfrannu at greu cymdeithas fwy cynhwysol a theg.

Yn olaf, mae cofrestru i bleidleisio a phleidleisio mewn etholiadau yn hanfodol er mwyn gwarchod a chryfhau democratiaeth. Mae democratiaeth yn dibynnu ar gyfranogiad gweithredol dinasyddion yn y broses wleidyddol, gan gynnwys pleidleisio, i weithredu’n effeithiol. Drwy gymryd rhan mewn etholiadau, mae pobl yn cynnal egwyddorion democrataidd, yn diogelu sefydliadau democrataidd, ac yn cyfrannu at fywiogrwydd a gwytnwch llywodraethu democrataidd.

Sut i weithredu